|-----COSTE, Jacques (G16-Sosa 46028) 
|-----COSTE, Guillem (G15-Sosa 23014)
|-----DELPY, Jacquette (G16-Sosa 46029)
COSTE, Louis Louys (23014-1) 
|-----ROUSSE, Jaumete (G15-Sosa 23015)
| Naissance : avant 1539 à Puechabon,34150,Hérault,Languedoc Roussillon,FRANCE,au mas de Montcalmès
Décès : entre 28 décembre 1573 et 2 octobre 1574 à Puéchabon ???,34150,Hérault, FRANCE
Profession : Marié en 1573
Testament : 28 décembre 1573 à Aniane,34150,Hérault, FRANCE
L'an 1573 et le 8/12, très crestien prince Charles, par la grace de Dieu, roi de France et de Pologne [sic] régnant, scaichent touts présents et advenir, en présence de moy notaire royal et tesmoings soubs escripts, que que personnellement estably Louys COSTE natif du mas de Montcalmès, parroisse et juridiction de Puéchabon, à présent maryé et habitant de la ville d'Aniane, dicte diocèze,
veu l'absance et distance dudit mas et l'heure noturne ne pouvant avoir licence de Guilhen COSTE son paire et pour ... [coin de page manquant] délaisser ses enfans en bonne paix,
lequel estant sain, par la grace de dieu, de ses bons sens, entendements et parfaite mémoire, combien qu'il soit déteneu de certaine maladie corporelle, considérant que ne y a rien plus certain que de une fois mourir, sive [ou bien] trespasser de ce monde en l'aultre, ni chose plus incerte que l'heure d'icelle.
A CESTE CAUSE, il a voleu pourvoir au salut de son âme, corps que de ses biens, lesquels notre seigneur dieu luy a donnés, et par ses prédécesseurs délaissés, et ce pour et affin que entre ses parens, affins ne y aict aulcune question,discention, proucès, ny débat, mais bien puissent vivre en bonne paix, viven et concordé.
A CESTE CAUSE, non induict, séduict, constraint ni subourné par forsse, craincte, séduction, barat [tromperie, ruse, fourberie], ni autrement circonveneu, mais de son bon gré, pure, franche et libéralle volunté, pour luy, ses hoirs et advenir successeurs, et par la teneur du présent instrument fermement vallable et irrrévocable, a faict, ordonné son dernier testement nuncupatif et sa dernière volunté nuncupative en la forme et manière que s'ensuit.
ET PREMIEREMENT ledit Louys COSTE testateur a recommandé son âme et son corps à dieu, à Jésus Crist, et au saint esprict, et s'il avoict faict aucune donnation à l'énemy de nature, nostre adversaire, de présent comme par lors, casse, révocque, annulle, et veult que telles donnations n'ayent aucune verteu ny efficasse, mais veult vivre et mouryr comme vray crestien catholique et croict tout ce que saincte mère esglise catholique, appostolique commande croire, et quant sera le bon vouloir etplaisir de notre bon dieu et paire luy faire cépparation de son ame avec son corps pour comparoir devant sa saincte majesté, audict cas a prins Jésus Crist, fils de dieu, pour son advocad et intercesseur, auquel laluy recommande et à sa miséricorde.
Et estan sa eclésiastique céppulture au cimetière de l'esglise parochielle Saint Jehan de la ville d'Anyane, et au bas sive tombel de ses parens et amis enterrés, et a prins de ses biens lesquels dieu luy a donnés et par ses prédécesseurs délaissés, la somme de 10 Livres tournois distribués la moitié aux pauvres de dieu, et l'aultre moictié en choses pyes et charitables à la volanté de sa exécuture soubs escripts.
DE SES AUTRES BIENS, droicts et actions audit Louys COSTE testateur, apporteur pervenu et temps advenir expectens, a légué, testé, ordonné ledit testateur pour droict de nature, légétime portion, institution héréditaire, quarte tréb?llianique, que pour autre droict que se soict, que pour amour de dieu, à Guilhen COSTE, son paire, la somme de 30 souls tournois payables après le décès dudit testateur.
A voleu que sondit paire soict contant, payé, satisfaict par une foys par son héritier universel soubs escripts, et moyenant ladite somme sive [ou] léguat l'a faict son héritier particullier, et que autre chose ne puisse avoir, demander, ne [ni] conseguir [obtenir] pour aulcung droict que se soict, mais de touts et chascungs ses autres biens, droicts et actions, l'a jecté et despoulhé, et son héritier universel soubs escript de plain droict a investeu.
ITEM, PLUS a légué, testé, ordonné ledit testateur pour droit de nature, légétime portion, institution hérédictaire, quarte trébélianique, que par autre droit que se soict, à Jaumete ROUSSE, sa mère, la somme de 20 souls tournois, payables après ledécès dudit testateur, et a voleu que sa dicte maire soict payée, contente, satisfaicte par une foys par son héritier universel soubs escript, et moyenant ladite somme sive [ou] léguat l'a faicte son héritière particullière, et que autre chose ne puisse avoir, demander, ne [ni] conseguir [obtenir] pour aulcung droict que se soict, mais de touts et chascungs ses autres biens, droicts et actions, l'a jectée et despoulhée, et son héritier universel soubs escript de plain droict a investeu.
ITEM, PLUS a légué, testé, ordonné ledit testateur pour droit de nature, légétime portion, institution hérédictaire, quarte trébélianique, que par autre droit que se soict, à Jacques, Guyraud, Anthoine, Miquiel, Anthoine COSTE jeune, Guyraud COSTE,Jehan COSTE, Guilhen COSTE, fraires, Anthonie et Marguerite, ses frères et s(o)eurs, à chacun et à chacune 5 souls tournois, payables après le décès dudit testateur, et a voleu que soyent contents, contentes, satisfaicts, satisfaictes par une foyspar son héritier universel soubs escript, et moyenant ladite somme sive [ou] léguat les a faicts, faictes ses héritiers partuculliers et ses héritières particullières, et que autre chose ne puissent avoir, demander, ne [ni] conseguir [obtenir] pour aulcung droict que se soict, mais de touts et chascungs ses autres biens, droicts et actions, l'a jectés, jectées, despoulhés, despoulhées et son héritier universel soubs escript de plain droicta investeu.
ITEM, PLUS a légué, testé, ordonné ledit testateur pour droit de nature, légétime portion, institution hérédictaire, quarte trébélianique, que par autre droit que se soict, que pour amour de dieu, et pour les immémorables et agréables services que luy a faict, faict et espère que luy en faira davantage advenir, à Jehanne TEULLE, sa belle-maire, la somme de 5 Livres tournois, payables après le décès dudit testateur, et a voleu que sa dicte belle-maire soict payée, contente, satisfaicte par une foys par son héritier universel soubs escript, et moyenant ladite somme sive [ou] léguat l'a faicte son héritière particullière, et que autre chose ne puisse avoir, demander, ne [ni] conseguir [obtenir] pour aulcung droict que se soict, mais de touts et chascungs ses autres biens, droicts et actions, l'a jectée et despoulhée, et son héritier universel soubs escript de plain droict a investeu.
ITEM, PLUS a légué, testé, ordonné ledit testateur pour droit de nature, légétime portion, institution hérédictaire, quarte trébélianique, que par autre droit que se soict, à Anthoine COSTE, son fils légitime et naturel, un champ assis dans la terre et juridiction d'Anyane tènement de Guarrigues, confronte ... ,
PLUS la somme de 20 Livres tournois, payables le jour que sondit fils se colloquera en mariage la somme de 10 Livres tournois et au b(o)ut de l'année les autres 10 Livres, et a voleu ledict testateur que son dict fils soict payé, content, satisfaict par une foys par son héritier universel soubs escript, et moyenant ladite somme sive [ou] léguat l'a faict son héritier particullier, et que autre chose ne puisse avoir, demander, ne [ni] conseguir [obtenir] pour aulcung droict que se soict, maisde touts et chascungs ses autres biens, droicts et actions, l'a jecté et despoulhé, et son héritier universel soubs escript de plain droict a investeu.
ITEM, PLUS a légué, testé, ordonné ledit testateur pour droit de nature, légétime portion, institution hérédictaire, quarte trébélianique, que par autre droit que se soict, que pour amour de dieu, et pour les immémorables et agréables services que luy a faict, faict et a espoir avec l'aide du seigneur dieu que luy en faira davantage, à Anthonie PERTUSSE, sa femme damme seigneuresse ususfructuatrix de ses enfans et biens, vivant viduellement et honestement et non autrement, et si se retourne mariée luy a légué la somme de 9 Livres tournois que luy doibt Me Guyraud COSTE, son frère, et autres 9 Livres que luy sont dégudés (?) au lieu de Sainct Parguoire, payables à ses secondes nubtiès, et moyenantce sive léguat l'a faicte son héritièreparticullière, et que autre chose ne puisse avoir, demander, ne [ni] conseguir [obtenir] pour aulcung droict que se soict, mais de touts et chascungs ses autres biens, droicts et actions, l'a ject?e et despoulhée, et son héritier universel soubs escript de plain droict a investeu.
ITEM, PLUS a légué, testé, ordonné ledit testateur pour droit de nature, légétime portion, institution hérédictaire, quarte trébélianique, que par autre droit que se soict, à touts nepveus, niepces, et autres parens affins demandens droict en ses biens, la somme de 2 souls six deniers tournois, et que entre eulx les despartent et divisent ensemble, et a voleu que soient contans, paiés, satisfaicts, par une foys par son héritier universel soubs escript, et moyenant ladite somme sive [ou] léguat les a faicts ses héritiers particulliers et ses héritières particullières, et que aultre chose ne puisse(nt) avoir, agir, demander, ni conseguir [obtenir] pour aucung droict que se soict, mais de touts et chascungs ses autres biens, droicts etactions, les a jectés, jectées, despoulhés, despoulhées et son héritier universel de plain droict a investeu.
EN TOUTS et chascuns ses autres ses biens, droicts et actions, où(t) que soyent ni où(t) que non [nom], meubles, immeubles, présents et advenir audit Louys COSTE testateur appartenir, parvenir et temps advenir expectans, a faict, créé, estably, ordonné, et de sa propre bouche nommé, appellé son héritier universel et général Guilhen COSTE, son fils légitime et naturel.
Et si ledit Guilhen COSTE son fils et héritier universel vient à décéder sans hoirs de son légétime mariage procréés, a substitué Anthoine COSTE, son fils.
Et si lesdits deux enfans vienent à décéder sans hoirs de son légétime mariage procréés, a substitué Guilhen COSTE, son père dudit testateur, si est en vie, et si est décédé, a substitué Anthonie sa femme pour sa vientant seullement et après sa vie a substitué et substitue Guilhen COSTE fils de Guyraud COSTE sartié [celui qui défriche une terre, bucheron] d'Anyane, son nepveu, à ses voluntés en faire teutur [tuteur] testamentaire et exécuteur du présent et dernier testement, a faict, créé ledict testateur le susdit COSTE son père dudit testateur, et après le père Anthoine frère dudit testateur, luy commandent le régime et gouvernement de sesdits enfans et biens, tout ainsin qu'est recquisde droict à ung teut(e)ur testamentaire, aussiluy donnant toute puissance de faire acomplir les susdits léguats et choses pyes par ledict testateur promizes.
A voleu et veult ledit testateur que se présent et public instrument de testement soict son dernier instrument nuncupatif, sa dernière volunté nuncupative, et si ne vault, ne peut valoir par droict de testement, a voleu et veult que va(i)lhe par droict de codicille ou codicilles. Et si ne vault, ne peult valoir par droict de codicille ou codicilles, a voleu et veult que vailhe par droict de dernière volunté que mieulx de droict se pourra soubstenir, valoir, cassant, révocquant, annullant ledit testateur touts autres instrumens, codicilles, donnations faictes à cauze de mort.
Et par la teneur du présent instrument les a teneus pour rayés et cancellés, et le présent demeurant en sa efficasse et verteu, requérant touts les messieurs tesmoings par ledit testateur bien cogneus, nommés, appellés à luy pourter bon et vray tesmoinage, lieu et temps en seront requis, et à moy notaire royal soubs signé.
Faict et publicquement récité Anyane et maison de ladicte Anthonye sa femme, estant dans son lict égrotan(t) [malade] et malenégran (?) [malengroin= mauvaise mine].
Présents : Sire Guilhen ARCHIMBAUD, Jehan CASTEL, maistre Charles MARCHAN, sirourgien [chirurgien], Françoys MIGUIEL, Blaze LACOMBE, Françoys GOUSTY, Guilhen GUANTIE dudict Anyane habitans soubs signés et marqués, et de moy [Pierre ASSAZAT].
Note enfant légitime
Transaction et accord: 9 mai 1559 à Gignac,34150,Hérault,Diocèse de Béziers,FRANCE
(Participant) COSTE, Guillem (Guilhen) dit Vieux
(Participant) ROUSSE, Jaumete
(Participant) COSTE, Louis Louys
(Participant) COSTE, Jaume (Jacques)
(Participant) BAUDRANDE, Anthonie
F°4v transaction et accord entre Anthoinette BAUDRANDE femme à Anthoine DELAVAL d'une part, et Guillem COUSTE tant pour lui que pour sa femme Jaumette ROSSE et Jacques et Louys COUSTE ses fils d'autre, de Montcalmes
dans la base : Jaumette ROUSSE et Guillem COSTE
29/04/1559
Sachent tous que comme débat ou question fut, par et entre Anthoinette BAUDRANDE femme d'Anthoine DELAVAL du mas de Montcalmes paroisse de Saint Sylvestre diocèse de Montpellier demanderesse d'une part, et Guillem COUSTE tant pour lui que pour Jaumette ROSSE sa femme, Jacques et Louys COUSTE fils dudit Guillem COUSTE dudit mas, défendeur d'autre, pour ce que ledit Anthoine DELAVAL pour sadite femme Anthoinette BAUDRANDE disoit que les susdits COUSTE ont grandement blessé, battu et frappé ladite Anthoinette sadite femme, et démembré en son grand préjudice. Et après s'en est ensuivi procès tant en la cour ordinaire de Puéchabon et de présent pend en la cour suprême du parlement à Toulouse, duquel procès s'en est ensuivi grand despens, demandant être remboursé tant du dommage de sadite femme que injures et de ses despens et principal et dommages de ladite Anthoinette.
Ledit Guillem COUSTE tant pour lui que pour sa femme et enfants susdits, disoit le contraire, disant que jamais n'ont battu ni frappé et qu'injustement le font plaidoyer et desprendre son argent.
Finalement lesdites parties, voulant venir à bonne paix et concorde et voulant éviter frais de justice et despens, lesquels DELAVAL et COUSTE tant pour eux que pour ses femmes et enfants susdits, ont promis faire ratifier sur les obligations et jurements infra écrits, et ont accordé comme s'ensuit.
Savoir, au présent lieu, sauf et retenu le bon vouloir et plaisir de messieurs des parlements et droit du roi, si aucun en y a, ont renoncé et renoncent au procès et cause pendant à la suprême cour du parlement à Toulouse.
Item ont accordé que par tous dommages intérêt civil que par tous despens faits et soufferts par ledit DELAVAL, ledit Guillem COUSTE payera et baillera à ladite Anthoinette et DELAVAL mariés, la somme de huit vingt livres tournois (huit vingt = 8X20=160 livres tournois,) lesquelles payera par les termes que s'ensuivent.
Savoir du jour présent en quinze jours prochains 80 livres tournois, à carême prenant prochain 40 livres tournois et la fête de la Croix du mois de mai après ensuivant le reste qu'est 40 livres tournois.
Item ont accordé que moyennant ce dessus, ledit DELAVAL, tant pour lui que pour sa femme Anthoinette, quittera cédera et remettra et de présent remet auxdits COUSTE, et femme dudit COUSTE, la stipulation que dessus, savoir est toute l'injure intérêt et despens faits et soufferts par lesdits DELAVAL et Anthoinette mariés.
Item ont accordé que lesdites parties feront ses procureurs me Anthoine COUSTE dudit mas, prêtre, son procureur, pour recouvrer le procès pendant en ladite cour du parlement, et icelui porter et mettre entre les mains de me Pierre DEPRATS d'Aniane pour le garder fin à tant qu'aient achevé de payer ladite somme...
Fait à la ville de Gignac et maison de Jehan REQUIRAN, présents Guillem DUPIN plus vieux fils de Jehan DUPIN, Durand VIDAL, Jehan DEFOURS de Saint-Jehan-de-Fos, Martin BENEZECH du lieu de Puéchabon habitant et moi Jehan VITALIS.
Et incontinent le 29/04/1559 Jacques HOSTET du lieu de Vuelh s'est constitué plein et principal payeur pour ledit COUSTE de ladite somme en le précédent instrument mentionnée.
Et incontinent le 29/04/1559 ledit COUSTE aussi a promis de relever ledit HOSTET sur les obligations que dessus.
AD34 II E 63/89 f° 4v - Photos de JJ MASSOL - Transcription de Françoise EMONDS-ALT
Témoin de :
>Transaction et accord : 9 mai 1559 COSTE, Louis Louys (Participant)
>Transaction et accord : 9 mai 1559 ROUSSE, Jaumete (Participant)
>Transaction et accord : 9 mai 1559 COSTE, Jaume (Jacques) (Participant)
|
