|-----CASSAN, Jehan (G15-Sosa 22540)CASSANG, Jehan (G14-Sosa 11270)
|-----GRANIÈRE, Catherine (G15-Sosa 22541)
Décès : avant 1603 à Aniane ???,34150,Hérault, FRANCE
Profession : PAS UN DOUBLON
Testament : 10 décembre 1574 à Aniane,34150,Hérault, FRANCE
L'an 1574 et le 20/11, très chrétien prince Henry, par la grace de Dieu, roi de France et de Poulogne régnant, scachent touts présents et advenir, en présences de moy notaire et tesmoings soubs escripts, que personnellement estably JehanCASSANG, habitant de la ville d'Aniane, diocèze de Montpellier,
lequel estant sain par la grâce de dieu de ses bons sens, entendement et parfaicte mémoire, combien qu'il soit déteneu de certaine maladie corporelle, considérant que ne y a chose plus certe que de une fois mourir, sive [ou] trespasser dece monde en l'autre, ni chose plus incerte que l'heure d'icelle.
A CES FINS, il a voleu pourvoir au sallut de son âme [et] corps que de ses biens, lesquels notre seigneur dieu luy a donnés et par ces prédécesseurs délaissés, et ce pour et affin que entre ses enfans et parens, affins ne y aict aulqune question, discention, proucès, ny débat, mais bien puissent vivre en bonne paix, viven en concorde.
A CESTE CAUSE, non induict, séduict, constraint ni subourné par forse, craincte, séduction, barat [barata= fraude] , ni autrement circonveneu, mais de son bon gré, pure, franche et libéralle volunté, pour luy, ses hoirs et advenir successeurs, par la teneur du présent et public instrument, fermement vallable et irrévocable, a faict, ordonné son dernier testement nuncupatif et sa dernière volunté nuncupative en la teneur et manière que s'ensuit.
ET PREMIEREMENT ledit Jehan CASSANG, testateur, a recommandé son âme et son corps à dieu, à Jésus Crist, et au saint esprict, et s'il avoict faict aulcune donnation à l'hénemy de nature, notre adversaire, de présent comme par lors, casse, révocque, annulle et veult que telles donnations n'ayent aulcune verteu ny efficasse, mais veult vivre et mourir comme vray crestien catholique, et croict tout ce que saincte mère esglize, catholique, appostolicque commande croire.
Et quant sera le bon vouloir de notre bon dieu, luy faire apparassion de son âme avec son corps pour comparoir devant sa saincte majesté, audict cas a prins Jesu Crist, fils de dieu, pour son advocat et intercesseur aulquel la luy recommande, et àsa miséricorde et à ester sacclésiastiqe capullière au cimetère de la esglize parrochielle sainct Jehan de la ville d'Anyane, et au bas sive teumbel (?) de ses parens et amys enterrés.
Et aprins, de ses biens, lesquels dieu luy a donnés, la somme de 6 Livres tournois, lesquelles a voleu que soyent distribués à la volunté de ses exécuteurs en chozes pyes et charitables.
De ses autres biens, droicts et actions où(t) que soyent ni où(t) que nom, audict CASSANG aportans perneux et temps advenir successeurs, a légué, testé, ordonné ledit testateur pour ledit droit de nature, légétime portion, institutionhérédictaire, quarte trébélianique, que par autre droit que se soict, à Jehan CASSANG, son fraire, et à Dauphine CASSANDE, sa s(o)eur, à chacung la somme de 20 souls tournois, savoir payables après le chef d'an du trespas dudit testateur, et les a faicts ses héritier et héritière particulier et particulière, et que autre chose ne puisse avoir, demander, ni conseguir [obtenir] pour aulcung droict que se soict, mais de tous et chascungs ses autres biens, droicts et actions, l'a jeté, jetée, despoulhé, despoulhée et son héritier universel soubs escript de plain droict a investeu.
ITEM, PLUS a légué, testé, ordonné ledit testateur pour droit de nature, légétime portion, institution hérédictaire, quarte trébélianique, que par autre droit que se soict, que pour amour de dieu et pour les innumérables services que luy a faict etespère avec l'aide de dieu que luy en faira davantage, a donné Catherine GRANYERE, sa mère, dame seigneuresse, ususfruictuatrix de tous et chascungs ses biens, sans rendre compte ny prester le reliqua appersonne [à personne] tant que vivra, et moyenant ce que léguat, l'a faicte sa héritière particullière, et que autre chose ne puisse avoir, demander, ni conseguir [obtenir] pour aulcung droict que se soict, mais de tous et chascungs ses autres biens, droicts et actions, l'a jetée et despoulhée et sa héritière universelle soubs escripte de plain droict a investeue.
ITEM, PLUS a légué, testé, ordonné ledit testateur pour droit de nature, légétime portion, institution hérédictaire, quarte trébélianique, que par autre droit que se soict, et pour amour de dieu et pour les innumérables et agréables services que luy a faict, et avec l'aide de dieu que luy en faira davantage, à Alayssette MIQUELLE, sa femme, sa vie chaussée, vestue, entretenue bien et deuement, saine et malade, avec ses enfans deuement, en négossian suyvant la quallité de personne et faculté de ses biens, vivant viduellement et honestement, et si se retourne mariée lu ya légué la somme de 15 Livres tournois payables à ses secondes nubtiès [noces] 10 Livres, et début de l'an le reste, et moyenant ce, sive léguat, l'a faicte sa héritière particullière, et que autre chose ne puisse avoir, demander, ne conseguir [obtenir] pour aulcung droict que se soict, mais de tous et chascungs ses autres biens, droicts et actions, l'a jetée et despoulhée et sa héritière universelle soubs escripte de plain droict a investeue.
ITEM, PLUS a légué, testé, ordonné ledit testateur pour droit de nature, légétime portion, institution hérédictaire, quarte trébélianique, que par autre droit que se soict, à Anthonie CASSANDE, sa filhe légitime et naturelle, la somme de 50 Livres tournois et 15 Livres en robbes, payables c'est le jour que sadite filhe solempnizera son mariage en saincte mère glize, la somme de 25 Livres et robbes, et tous les ans continuant lesdites solutions et payes de 5 Livres tournois jusques à ce que ladicte some soict entièrement payée et satisfaicte à sadicte filhe, et que l'une paye ne puisse acomoler l'autre, que ne coste de sousfizante dilligence estre demandée, recquize, et a voleu ledit testateur que sadite filhe soict contente, payée, satisfaicte par une foys par son héritière universelle soubs escripte, et moyenant la susdite somme, sive léguat, l'a faicte sa héritière particullière, et que autre choze en ses biens ne puisse avoir,demander, ne conseguir [obtenir] pour aulcung droict que se soict, mais de tous et chascungs ses autres biens, droicts et actions, l'a jetée et despoulhée et sa héritière universelle soubs escripte de plain droict a investeue.
ITEM, PLUS a légué, testé, ordonné ledit testateur pour droit de nature, légétime portion, institution hérédictaire, quarte trébélianique, que par autre droit que se soict, au postung que porte sa femme dans son ventre, si est femelle la somme de 50 Livres tournois et 15 Livres en robbes payables comme dessus à Anthonie, et que l'une paye ne se pourra accomoler l'une sur l'autre, que ne coste de sousfizante dilligence estre demandée, et moyenant ce, sive léguat, l'a faicte sa héritière particullière, et que autre choze ne puisse avoir, demander, ne conseguir [obtenir] pour aulcung droict que se soict, mais de tous et chascungs ses autres biens, droicts et actions, l'a jetée et despoulhée et sa héritière universelle soubs escripte de plain droict a investeue.
ITEM, PLUS a légué, testé, ordonné ledit testateur, pour droict de nature, légétime portion, institution hérédictaire, quarte trébélianique, que par autre droict que se soict, à touts nepveus, niepces et parens affins demandans droict en ses biens, la somme de cinq souls tournois, payables après le décès dudit testateur et que entre eux les apporter et divizer ensemble, et a voleu que soyent contens, payés satisfaicts par une fois par son héritière universelle soubs escripte de plain droicta investeue.
EN TOUS et chascungs ses autres biens, droicts et actions où(t) que soyent ni où(t) que nom, audict Jehan CASSANG testateur aportans perneus et temps advenir pour quelque droict que ce soict, meubles, immeubles, présents et advenir, a faict à ce, estably, ordonné et de sa propre bouche nommé, appellé sa héritière universelle Catherine CASSANDE, sa filhe légitime et naturelle.
Et au cas que le susdit posthung que porte sa femme dans son ventre soict masle l'a faict, créé, nommé, appellé son héritier universel et général, a légué, à ce requis, ordonnant à ladicte catherine sa filhe la somme de 50 Livres tournois et 15 Livres en robbes, payables le jour que sadite filhe solempnizera son mariage en saincte mère esglize, la somme de 25 Livres tournois et robbes, et tous les ans apprès 5 Livres tournois, et tous les ans continuant lesdites solutions et payes de 5 Livres tournois jusques [à ce] que ladicte some soict entièrement payée et satisfaicte à sadicte filhe, et que l'une paye ne se puisse acomoler l'une sur l'autre, que ne coste de sousfizante dilligence estre demandée, recquize, et si ledit postun maslevient à décéder sans hoirs de son légétime mariage procréé a substitué Catherine et de l'ung à l'autre et après au plus prochain du degré. Et si les léguataires viennent à décéder sans hoirs, que leur droict retourne à son héritière universelle.
... testamentaires exécuteurs du présent et dernier testament a faict, créé ledit Jehan CASSANG testateur et de sa propre bouche nomme François MIQUEL, son beau-père et Jehan CAUSSE, son bon amy et voisin, luy commander le régime et gouvernement desesdits enfans et biens, tout ainsin recquis de droict à ung tecteur testamentaire , et aussi luy donner toute puissance de faire accomplir les susdits léguats et choses pyes par luy prinzes , et a voleu et veult ledit testateur que le présent et public instrument de testement soict son dernier testement nuncupatif et sa dernière volunté nuncupatifve, et si ne vault, ne peult valoir par droict de testement, a voleu et veult que ne valhe par droict de codicille,a voleu et veult que valhe pardroit de dernière volunté que mieulx de droict se pourra sustenir, valoir, cassant, révocquant, anullant touts autres testemens, codicilles, donnations faictes en cas de mort, et par la teneur du présent les a tenus pour cancellés, et le présent donnation en sa efficace et verteu, requérant touts les messieurs tesmoings par ledict testateur bien cognus, nommés, appellés luy pourter bon et vray tesmoiniage, lieu et temps en seront requis età moy notaire royal soubs signé acte et instrument luyestre retenu et expédié à quy apartient.
Faict et récité à Aniane et maison dudit testateur, estant dans son lict égrotan et mallenegian (?).
Présents : Jehan ARGELIER, Jehan CAUSSE, Jehan MILLAU, Pierre CABRIE, Jehan DELPY, Michel TERRASSON, Jehan SIGUAU dudit Anyane habitans soubs signé et moy [Pierre ASSAZAT].
Testament : 28 janvier 1578 à Aniane,34150,Hérault, FRANCE
Source : Thierry Forné - Notariat ancien d'Aniane - P. 317/481 - 2E 95/63 f° 717
L'an 1578 et le 8/1, très chrétien prince Louis, par la grace de Dieu, roi de France et de Poulogne régnant, scachent touts présents et advenir, en présence de moy notaire royal et tesmoings soubs escripts, que personnellement estably saige personne Jehan CASSANG, habitant de la ville de Anyane, diocèze de Montpellier,
lequel, estant sain par la grace de dieu, de ses bons sens, entendament et parfaicte mémoire, combien qu'il soict détenu de certaine maladie corporelle et que ne y a choze plus certe que de une fois mourir sive [ou] trespasser de ce monde en l'autre, ni choze plus incerte que l'heure d'icelle, considérant et entendent ledit CASSANG avoir faict, ordonné son dernier testement et sa dernière volunté ainsin que est instrument pour ce receu par moy notaire royal soubs signé surl'an et jour en icelluy contenus, et pour certaines considérations en leurs courages ...monnans icelluy testement veullant corriger, émander.
A CESTE CAUZE, de son bon gré, pure, franche et libéralle volunté, pour luy, ses hoirs et advenir successeurs, par la teneur du présent instrument, a faict, ordonné son codicille et dernière volunté en la forme et manyère que s'ensuict :
PREMIEREMENT, codicillant ledit Jehan CASSANG a légué, testé, ordonné par droict de codicille, par droict de nature, légétime portion, institution hérédictaire, quarte trébélianique, que par autre droit que se soict, au postun ... ses autres ses enfens contenus en son testement par semblables payes, solvens (?) et modiffications, et si est femelle aussi comme ses autres filhes contenues en sondit testement et si advenir en avoict d'autres enfans ou filhes contenues aussi, leur allègué en codicillan pour ledict droict de nature, comme ses autres enfans nommés en son testement.
Et si en cas fortuict que ses enfans vienent à décéder sans hoirs de son légétime mariage procréés, a substitué ladite Allaissette après le décès de sesdits enfans décédant sans hoirs de leur dict mariage, ratiffiant, émolonguan ledit CASSANG, sontestement, par cy devant, et toutes les chozes dans icelluy contenues, et que demeure à sa perpétuelle valeur et efficasse.
PLUS, feuturs testamentaires a faict ledit CASSANG, Jehan CAUSSE et Jehan DOLPY, leurs bons amys et voizins leur donnant tout et commandent le régime et gouvernement de sesdits enfans et biens, tout ainsin qu'est recquis de droict audit feuteurs testamentères, a vouleu et veult ledit CASSANG codécillan que se présent instrument de codécille soict son dernier instrument de codécille, et si ne vault, ne peut valoir par droict de codécille ou codécilles, a vouleu et veult que valhe par droict de dernière volunté que mieulx de droict se pourra substennir, valoir, requérant aux messieurs tesmoings soubs escripts et par luy bien cognus, nommés, appellés, luy pourter bon et vray tesmoinage, lieu et temps en seront recquis, et moy notaire royal soubs signé acte et instrument luy estre reteneu, et expédié à quy appertiendra.
Faict et publiquement récité Aniane et maison dudit CASSANG estant dans son lict égrotant et malengian.
Présents : Jehan DELPY consul, Jehan RATTIE appothicquaire, Jehan CAUSSE, Jehan MILHAU dudit Anyane et Jamme PEISSON del mas de Val de Bouze,parroisse de [un blanc], demeurant audit Anyane, habitans soubs signés et marqués. Et de moy [Pierre ASSAZAT].
Note enfant légitime
|-----MICHEL, François (G15-Sosa 22542 = 22552)MICHELLE, Alaisette (Miquelle) (G14-Sosa 11271)
|-----DOUSSE, Marguerite (G15-Sosa 22543)
Décès : après 1604 à Aniane ???,34150,Hérault, FRANCE
Note enfant légitime
Témoin de :
>Évènement :28 février 1603 CASTAN, Jean (Témoin-Other) - héritier universel sa mère
>Contrat de mariage :8 février 1604 10:00 SAUREL, Louis × CASSAGNE, Andrine (présent) - consentement pour la mariée de sa mère
Décès : après 1603 à Aniane ???,34150,Hérault, FRANCE
Note enfant légitime
Témoin de :
>Contrat de mariage :8 février 1604 10:00 SAUREL, Louis × CASSAGNE, Andrine (présent) - sa soeur aînée, héritière universelle et généralle de son feu père
Décès : après 1574 à Aniane ???,34150,Hérault, FRANCE
Note enfant légitime
× 1604 SAUREL, Louis (G13-Sosa 5634)
Testament : 28 février 1603 à Aniane,34150,Hérault, FRANCE
(Témoin) CASSAGNE, Andrine, à sa soeur
(Témoin) MICHELLE, Alaisette (Miquelle), héritier universel sa mère
fils de feu Jean Castan
son oncle est Jehan Castan (non saisi)
Note enfant légitime
