|-----TEULLE, Père (G16-Sosa 46148) 
TEULLE, Pierre (G15-Sosa 23074)
| Naissance : avant 1519 à Saint-Paul-et-Valmalle,34570,Hérault,(ex St Paul de Montcamel),FRANCE
Décès : après 2 novembre 1556 à Saint-Paul-et-Valmalle ???,34570,Hérault,(ex St Paul de Montcamel),FRANCE
Profession : du mas de Sallelles
Testament : 2 novembre 1556 à Saint-Jean-et-Saint-Paul,12250,Aveyron,Occitanie,FRANCE,au mas de Teulle
(ITEM) TEULLE, Anthonie, sa fille légitime et naturelle femme à Barthélémy BONIOL
(ITEM) TEULLE, Pierre (Autre), son frère
(ITEM) TEULLE, Estienne, son frère d'Aniane
(ITEM) TEULLE, François (Françoys), héritier universel son fils légitime et naturel
(ITEM) TEULLE, Nadalle, sa fille légitime et naturelle
(ITEM) THEULE, Jehanne, sa fille légitime et naturelle femme de Jehan MIQUIEL d'Aniane
(ITEM) TEULLE, Louis (Louys), son fils légitime et naturel
(ITEM) TEULLE, Fulcrand, son fils légitime et naturel
TESTEMENT de Pierre TEULLE du mas de Sallelles, paroisse de Sainct Pal de Montcamel
L'an 1556 à l'incarnation de nostre seigneur et le 13/10, très crestien prince Henry, par la grace de Dieu, roi de France régnant, scaichent touts présents et advenir, que en personne estably saige personne Sire Pierre TEULLE, habitant dumas de Sallelles, paroisse de Sainct Paul de Montcalmel, diocèze de Montpellier,
lequel estant sain, par la grace de dieu, de son bon sens, entendement et en sa parfaicte mémoire, estant nonobstant qu'il soict déteneu de maladie corporelle et débilitation d'icelle, considérant que ne y a chose plus certe que de une foys mourir,sive [ou bien] trespasser de ce misérable monde en l'aultre, ni chose plus incerte que l'heure d'icelle.
ET A VOLEU ledit testateur pourvoir et parvenir au salut de son âme et corps, que de ses biens, lesquels dieu luy a donnés, et par ses prédécesseurs délayssés, et ce pour et affin que entre ses parens et affins ne y aict nulle question, discention, pro(u)cès, et débat, mais bien puissent vivre en bone paix, viven et concordé.
ET TOUT CE DESSUS considéré, non induict, séduict, constrainct, ne suborné par forse, crainte, séduction, barat [tromperie], ni aultrement ... , mais de son bon gré, pure, franche et libéralle volunté, pour luy, ses hoirs et advenir successeurs, par la teneur du présent et public instrument de testement et dernière volunté fermement vallable, a faict, conduict, ordonné son dernier testement nuncupatif et sa dernière volunté nuncupatifve en la forme et manière ques'ensuyt.
C'est que ledit testateur c'est muny et guarny des armes du signe de la croix en disant "au nom du paire, et du fils et du Sainct Esprit, amen Jésus". Et a recommandé son âme et corps à dieu nostre créateur et rédempteur de tout le monde et à la cour(t) cellestielle de parradis en le prenant pour père et advocad en nostre dieu son paire et la vierge marie, sa mère pour mère.
Et quand sera de son bon plaisir luy disenparer son â(r)me de son corps pour la metre et conduire à sa place de parradis, veult et ordonne ledit Sieur Pierrre TEULLE testateur que sondit corps soyt apporté et ensepvelly au cimetière de laesglise parochielle de St Pierre et au bas de ses parrens et amys deffunts soubsterats, et a prins de ses biens que dieu luy a donnés et par ses prédécesseurs délayssés pour son â(r)me ou pour iceulx qu'il est de teneu faire deprécation [prière] la somme de15 Livres tournois, lesquelles a voleu estre distribuées tant à la ceppulture, novène, chef d'an et autres excéquies [obsèques] à la volunté de ses exécquteurs de soubs scripts.
ITEM, a légué, testé, ordonné ledit testateur, pour amour de dieu et remémoration de ses péchés, aux bassins courens de ladite esglise 2 sols 6 deniers tournois à ung chascung desdits bassins dela susdite somme, et a voleu que soyentpayés contans et sattisfaicts par une foys après son décès par son hérétier universel de soubs escript.
ITEM, PLUS, a légué, testé, ordonné ledit testateur, pour amour de dieu et remémoration des péchés à l...de ladite esglise pour faire faire une bandière [bannière] la somme de 15 souls tournois par une foys payés de la susdite somme après son décès.
ITEM, PLUS, a légué, testé, ordonné ledit testateur, que au jour de son enterrement en sa ecclésiasticque ceppulture, a voleu et veult ledit testateur que soyent appellés, convocqués à ladite esglise 9 prestres donant à ung chascungd'eux la somme de 20 deniers tournois et la reffection corporelle, et que lesdits prestres soyent tenus de payer dieu pour l'â(r)me dudit testateur ou pour iceulx qu'il est tenu de paier et faire deprécation, et a voleu et veult que lesdits prestres soyent payés contans de la susdite somme par son héritier universel de soubs script pour une foys.
ITEM, PLUS, a légué, testé, ordonné ledit testateur,que au jour de neuf jours après son trespas soyt faicte sa neuve à laquelle a voleu que soyent appellés en ladite esglise 12 prestres, donant à ung chascung 20 deniers tournois et la reffection corporelle, et que lesdits prestres soyent tenus de payer l'âme dudit testateur ou pour iceulx qu'il est tenu de prier et faire deprecation [prier], et a voleu que lesdits prestres soyent contens payés et sattisfaicts par une foys par son hérétier universel de la susdite somme.
ITEM, PLUS, a légué, testé, ordonné ledit testateur, pour amour de dieu et remémoration de ses péchés ledit jour de sa novène, veult que soict mys ung cestier de bon bled mys en pain et donné aux pouvres de dieu par son héritier universel de soubsescript.
ITEM, PLUS, a légué, testé, ordonné ledit testateur, que durant lesdits neuf jours soyent faictes ses excequies [funérailles] tout ainsi qu'est la coustume audit lieu.
ITEM, PLUS, a légué, testé, ordonné ledit testateur, que au chef de l'an après son trespas soyent appellés et convocqués en ladite esglise 12 prestres donnant à ung chascung 20 deniers tournois et la reffection corporelle, et que lesdits prestres soyent tenus de pryer dieu pour l'â(r)me dudit testateur ou pour iceulx qu'il est tenu de prier ou faire depprécation [prier], et a voleu que lesdits prestres soient contans par une foys par son hérétier universel.
DE TOUTS ET CHASCUNGS ses autres biens, droicts et actions, où(t) que soient ni où(t) que non à luy apartenir, parvenir, ledit sieur Pierre TEULLE testateur a légué, testé, ordonné pour droit de nature, légitime portion, institution hérédictaire, que quarte trébéllianique, que par autre droit que se soict, et pour son maraige, à Fulcrand TEULLE, son fils légitime et naturel, la somme de 30 Livres tournois, monoye courante, payables c'est le jour que ledit Fulcrand solempnisera son maraige ensaincte maire esglise la somme de 4 Livres tournois, et tous les ans après sadite solempnisation le jour et feste de la Magdelène 2 Livres tournois tous les ans continuant lesdites solutions et payes de 2 Livres tournois faire à entière solvencionet paye de la susdite somme de 12 Livres tournois, et que l'une paye ne seurmonte l'aultre, que ne couste de sousfizante deligence estre demandé, et moyenant ladite somme sive léguat ledit testateur l'a faict son hérétier particullier, et que aultrecause ne puisse avoir, demander, ne conséguir [obtenir] pour aucung droict de nature, légitime portion, institution hérédictaire, que quarte trébéllianique, que par autre droict que se soict, mais de touts et chascungs ses autres biens le a devesteu, et despolhé, et son héritier universel de plain droict n'a investeu.
ITEM, PLUS a légué, testé, ordonné ledit testateur pour droit de nature, légitime portion, institution hérédictaire, quarte trébéllianique, que par autre droit que se soict, à Louys TEULLE, son fils légitime et naturel, la somme de30 Livres tournois payables le jour que ledit Louys expousera son mariage en saincte mère esglise la somme de 4 Livres tournois, monoye courante, et touts les ans après ladite solempnisation le jour et feste de la Magdelène 2 Livres tournois finis à entière solvencion et paye de la susdite somme de 30 Livres tournois, et que l'une paye ne s(e)urmonte l'aultre, que ne couste de susfizente deligence estre demandée et requise, et moyenant ladite somme sive léguat le ne a faict son hérétier particullier, et que autre cause ne puisse avoir, demander, ni conséguir [obtenir] pour aucung droit de nature, légitime portion, institution hérédictaire que quarte trébéllianique que par autre droict que se soict, mais de touts et chascungs ses autres biens le n'a dévesteu et despolhé.
ITEM, PLUS a légué, testé, ordonné ledit Pierre TEULLE, testateur, pour droit de nature, légitime portion, institution hérédictaire, que quarte trébéllianique, que par autre droit que se soict et par son mariage, à Nadalle TEULLE, sa filhe légitimeet naturelle, la somme de 30 Livres tournois et deux robbes nubtielles drap de Borges, cotte et gonelle, cotte coleur de noir et la gonnelle de rouge, bones, neufves, guarnies et faictes, payables le jour que ladite Nadalle expousera en saincte mère esglise, la somme de 4 Livres tournois et les robbes, et touts les ans après ladite solempnisation le jour de la Magdelène, 2 Livres tournois et tous les ans continuant lesdites solvencions et payes de 2 Livres tournois, finis à entière solvencion et paye de la susdite somme de 30 Livres tournois, et que l'une paye ne s(e)urmonte l'aultre, que ne couste de susfizente deligence estre demandée, et moyenant ladite somme sive léguat l'a faicte son hérétière particullière, et que autre cause nepuisse avoir, demander, ni conséguir [obtenir] pour aucung droit que se soict, mais de touts et chascungs ses autres biens le n'a dévesteu et despolhé.
ITEM, PLUS a légué, testé, ordonné ledit testateur pour droit de nature, légitime portion, institution hérédictaire, quarte trébéllianique, que par autre droit que se soict, à Jehanne TEULLE, sa filhe légitime et naturelle, femme de Jehan MIQUIEL d'Aniane, et outre la dotte à ladite Jehanne constituée en son mariage, la somme de 5 Livres tournois, payables touts les ans fondé ladite dot le jour de la Magdelène 2 Livres tournois et ainsin continuant finis à entière solvencion et paye de ladite somme, et que l'une paye ne s(e)urmonte l'aultre, que ne couste de susfizente deligence estre demandée, et moyenant ladite somme sive léguat l'a faicte son hérétière particullière, et que autre cause en ses biens ne puisse avoir, demander, ni conséguir [obtenir] pour aucung droit que se soict, mais de ses autres biens l'a dévesteue et despolhée.
ITEM, PLUS a légué, testé, ordonné ledit testateur pour droit de nature, légitime portion, institution hérédictaire, quarte trébéllianique, que par autre droit que se soict, à Anthonie TEULLE, sa filhe légitime et naturelle, femme de Barthélémy BONIOL, oultre la dot à elle constituée, la somme de 5 souls tournois, par une foys après son décès, et moyenant ladite somme sive léguat l'a faicte son hérétière particullière, et que autre cause en ses biens ne puisse avoir, demander, ni conséguir [obtenir] pour aucung droit que se soict, mais de touts et chascungs ses biens l'a dévesteue et despolhée.
ITEM, PLUS a légué, testé, ordonné ledit testateur pour droit de nature, légitime portion, institution hérédictaire, quarte trébéllianique, que par autre droit que se soict, à Me Estienne TEULLE, son frère, la somme de 5 souls tournois, lesquels a voleu que luy soyent payés après son décès par sondit hérétier universel de soubs escript, et estre content, et moyenant ladite somme sive léguat le ne a faict son hérétier particullier, et que autre cause en ses biens ne puisse avoir, demander, niconséguir [obtenir] pour aucung droit que se soict, mais de ses autres biens le ne a dévesteu et despolhé.
ITEM, PLUS a légué, testé, ordonné ledit testateur pour droit de nature, légitime portion, institution hérédictaire, quarte trébéllianique, que par autre droit que se soict, à Pierre TEULLE, son frère, la somme de 5 souls tournois,lesquels a voleu que luy soyent payés après son décès par sondit hérétier universel de soubs escript, et moyenant ladite somme sive léguat le ne a faict son hérétier particullier, et que autre cause en ses biens ne puisse avoir, demander, ni conséguir [obtenir] pour aucung droit que se soict, mais de touts et chascungs ses autres biens le ne a dévesteu.
ITEM, PLUS, a légué, testé, ordonné ledit testateur, pour amour de dieu et pour les services que luy a faict, faict et espère avec l'ayde du père dieu luy en fera davantaige, à Marguarite ARNAUDE, sa femme et loyalle espouse, est donneseigneuresse ususfructuatrix tant que vivra en ce monde, de tous et chascungs ses biens, meubles, immeubles, présents et advenir, sans en rendre aucung conte ny prester le reliqua(t) à personne que se soict. Et moyenant ledit léguat l'a faicte sa hérétière particullière, et oultre ledit Pierre TEULLE testateur scaichent et entendent par cy devant avoir heu et receu de ladite Marguerite, sa femme, la somme de 60 Livres tournois sans que jamais soyent estre recogneues a ceste cause, de son bon gré, et par la teneur du présent instrument, a confessé ... [trous de vers dans le papier] recognoict sur tous et chascungs ses biens meubles, immeubles, présents et advenir, et pour ce fère il a obligé ses biens, iceulx soubsmetant aux rigueurs en tel cas nécessaire, et tenue, l'a juré et avec toute renonciation.
PLUS VEULT ledit testateur que ladite sa femme, Barthélémy BONIOL, son gendre, et avec son hérétier demeurent en paix et entre eulx gouvernent lesdits biens , et que touts lesdits aléguats, debtes et autres choses se payeront tant de la part donnéeà ladite Anthonie sa filhe, femme dudit BONIOL, en faveur de mariage, que reteneue par moytié.
ITEM, PLUS, a légué, testé, ordonné ledit testateur pour ledit droit de nature, légitime portion, institution hérédictaire, que quarte trébéllianique, que par aultre droict, à touts et chascungs ses nepveux, niepces et autres de la parentelle qui demanderont en ses biens la somme de 2 souls 6 deniers tournois, à ung chascung, et a voleu que soient contens, payés et sattisfaicts par une foys après son décès par son hérétier universel, et moyenant ladite somme sive[ou] léguat les a faicts ses hérétiers et hérétières particulliers et particullières, et que autre cause en ses biens ne puisse(nt) avoir, demander, ni conséguir [obtenir], mais de ses autres biens, droicts et actions, meubles, immeubles, présens et advenir, où(t) que les aye,ne où(t) que non à luy apartenir, parvenir et advenir expectans pour aucung droict que se soict, ledit Pierre TEULLE testateur a faict, ordonné, testé, estably, légué son héritier universel et général, et de sa propre bouche nomme, appelle FrançoisTEULLE, son fils légitime et naturel, et si ledit François venoict à décéder sans hoirs de son loyal mariage procréats, ou en pupillarictat, audit cas a substitué et substitue Fulcrand TEULLE, son fils légitime et naturel. Et aussi si ledit Fulcrand venoict à décéder sans hoirs de son loyal maraige procréés ou en pupillaritat, audit cas a aubstitué Loys, son fils légitime et naturel, et si ledit Loys aussi désédoict sans hoirs de son loyal mariage ou en pupillarictat, audit cas a substituéNadalle si est encores vivante, et si est mariée, a substitué Anthonie, sa filhe légitime, et après de gré en gré des plus prochains.
Et ... de son â(r)me et de son dernier testement et dernière volunté, a fait, ordonné ledit testateur le curé de ladite esglise qui sera audit temps que dieu l'appellera de ce monde en l'aultre et Maistre Estienne TEULLE son frère habitans d'Aniane, lesquels et à ung chascung d'eux leur a donné puissance, auctorité de prendre, vendre, délivrer de ses biens finis à la somme susdite par son â(r)me prinse, et de leurs biens cons... [trous de vers dans le papier se confia...
A voleu et veult ledit Pierre TEULLE testateur que le présent instrument de testement soict son dernier testement nuncupatif et sa dernière volunté nuncupative, et si ne vault, ne peut valoir par droict de testement, a voleu que vailhe pardroict decodicille ou codicilles. Et si ne vault, ne peut valloir par droict de codicille ou codicilles, a voleu que vailhe par dernière donation qui se dict estre faicte entre les vifs ou par cause de mort, ou par autre que mieulx se pourra soubstenir etsouffrir.
Et si en avoict faict d'aultres testements, codicilles, donations en cas de mort, iceulx casse, révocque et annulle et veult que ne ayent nulle verteu, ni efficasse, mais le présent instrument de testement a voleu que demeure en sa verteu et efficasse, requérant les messieurs tesmoings soubs escfripts que soict de leur bon plaisir luy porter bon et vray tesmoiniage, lieu et temps que en seront requis, et à moy notaire acte, instrument luy estre reteneu et despéché à sondithérétier ou autre qu'il apartiendra. .
Faict et publicquement récité au mas de Teulle, paroisse de Sainct Pal de Montcamel, diocèze de Montpellier et maison dudict testateur, luy estant dans son lict égrotan(t) [malade] et malenagan [malade].
En présence et tesmoiniage de saiges personnes Jehan ALEGRE, Jaume GRANIER de Sainct Pal dudit Montcalmel, Estève RUFFIAC de Montarnaud, Estève MALAFOSSE du lieu de La Boyssière habitans et causant que ledit masaige estoit loing des villages et masaiges na esté possible de treuver autre tesmoings et veu la nécessité que pourroict venir audit testateur décéder ab intestat, et de moy Pierre ASSAZAT, notaire froyal dudit Aniane habitans soubs signé, quy requis instrument ay receu en foy de ce dessus.
Note enfant légitime
|
