|-----GOUSTY, Père (G15-Sosa 23088) 
GOUSTY, Guillaume (Gostin) (G14-Sosa 11544)
| Naissance : avant 1517 à Aniane ???,34150,Hérault, FRANCE
Décès : entre 29 janvier 1560 et 1574 à Aniane,34150,Hérault, FRANCE
Testament : 29 janvier 1560 à Aniane,34150,Hérault, FRANCE
(ITEM) VIDALLE, Angline, co-héritière universelle sa femme
(ITEM) GOUSTI, François, co-héritier universel son fils légitime et naturel
(ITEM) GOUSTY, Guilhaume, son fils légitime et naturel
(ITEM) GOUSTY, Jehan, son fils légitime et naturel
(ITEM) GOUSTY, Jehanne, sa fille légitime et naturelle
(ITEM) GOUSTY, Cézelie, sa fille légitime et naturelle
TESTEMENT de Guilhem GOUSTY d'Aniane
L'an de grâce 1560 à l'incarnation nostre seigneur Jésus Crist et le 9/1, très crestien prince Françoys, par la grace de Dieu, roi de France régnant, scaichent touts présents et advenir, en présence de moy notaire royal et tesmoings soubs escripts,personnellement estably Guilhem GOUSTI, habitant de la ville d'Anyane, diocèze de Montpellier,
lequel estant sain, par la grace de dieu, de ses bons sens, entendement et parfaite mémoire, combien que soict déteneu de certaine maladie corporelle et débilitation d'icelle, considérant que ne y a chose plus certe que de une foys mourir, sive [oubien] trespasser de ce monde en l'aultre, ni chose plus incerte que l'heure d'icelle.
A CES FINS, il a vouleu pourvoir au salut de son âme, corps que de ses biens, que nostre seigneur luy a donnés, et ce pour et affin que entre ses enfans, amys, affins ne y aict aucune question, discention, pro(u)cès, mais bien puissent vivre en bonne paix, viven et concordé.
A CESTE CAUSE, en son bon gré, pure, franche et libéralle volunté, sans aucune subordination de personne ainsin que a dict et affirmé, par la teneur du présent instrument de testement et dernière volunté a faict, ordonné, testé son dernier testement nuncupatif et sa dernière volunté nuncupative en la forme et manière que s'ensuit.
ET PREMIEREMENT a recommandé son âme et corps à nostre bon dieu, à Jésus Crist son fils, et au saint esprict, et s'il avoict faict aucunes donnations à l'énemy de nature, nostre adversaire, de présent et comme par lors, casse, révocque, annulle, etveult que telles donnations n'ayent aucune verteu ny efficasse, et veult aussi soy deffendre, bathelier, conter les mauvaises cogitations, temptations dudit enemy avec le bloquier [bouclier] de la foy et signe de la croix endisen "au nom du paireet du fils et du sainct esprit, amen Jésus" et veult vivre comme ung vray crestien et comme l'esglise catholique luy comande tenir, les comandements le veult tenir et iceulx confesse tenir et veult guarder, et quand plaira à nostre bon dieu et père luy disenparer son âme de son corps a prins Jésus Crist, son fils, pour son advocad et intercesseur, auquel la luy recommande et à sa miséricorde, et quand la céparation sera faicte de son corps avec son âme, a voleu et veult que sondit corps soict apporté et ensevely au cimetière de la esglise parochielle Saint Jehan de ville d'Anyane, et au bas sive tombel de ses parens enterrés.
Et a prins de ses biens que nostre seigneur dieu luy a donnés et par ses prédécesseurs délayssés en choses pyes et charitables la somme de 4 Livres tournois, lesquelles a voleu que soyent distribuées à la volunté de ses exécuteurs soubs escript tant à la ceppulture, novène, chef d'an.
ITEM, a légué, testé, ordonné ledit testateur pour amour de dieu et remémoration de ses péchés aux bassins courens de ladite esglise parochielle Sainct Jehan d'Aniane la somme de 3 souls tournois payables après le décès dudit testateur par ces hérétiers soubs scripts et ... et a voleu que lesdits bassins soyent contans payés et sattisfaicts par une foys et que entre eulx les divisent et despartent.
ITEM, a légué, testé, ordonné ledit Guilhem GOUSTI testateur de ses autres biens, droicts et actions, meubles, immeubles, présents et advenir, où(t) que soient ni où(t) que non audit testateur apartenir parvenir et temps advenir expectans, pour quelque droict que se soict, pour droit de nature, légétime portion, institution hérédictaire, quarte trébélianique, que par autre droit que se soict, à Cézelie, Jehanne GOUSTINES, ses filhes légitimes et naturelles et à une chascune de icelles la somme de 25 Livres tournois, monoye courante, une robbe de Monteral, une drap de maison blanquet, bones, neufves, faictes, guarnies, payables à une chascune de sesdites filhes le jour que une chascune viendra solempniser son mariage en saincte mère esglise la somme de 5 Livres tournois, monoye courante, et les robbes,
et la reste restante de ladite somme touts les ans le jour de caramantran une Livre tournoi, et touts les ans continuant, finies entières solvention et paye de ladite somme de 25 Livres tournois, et que lesdites solvencions et payes ne se trouveront accomoler l'une sur l'aultre que ne conste de sousfizante diligence estre déméndée, requise, et moyenant ladite somme sive [ou] léguat les a faictes ses hérétières particullières, et que autre chose ne puisse avoir, ni cons?guir [obtenir] pour aucung droict que se soict, mais de touts et chascungs ses autres biens, droicts et actions, les a jetées, despoulhées.
ITEM, a légué, testé, ordonné ledit testateur pour droit de nature, légétime portion, institution hérédictaire, quarte trébélianique, que par autre droit que se soict, à Guillem, Jehan GOUSTIS, frères, ses fils légitimes et naturels, et à ung chascung d'eux an seul, la somme de 25 Livres tournois, monoye courante, payables ç ung chascung de sesdits fils le jour que ung chascung viendra solempniser son mariage en saincte mère esglise, 5 Livres tournois, et touts les ans après le jour de caramantran une Livre tournoi, et touts les ans continuant, finies, entières solvencions et paye de ladite somme et que lesdites solvencions ne se pourront accomoler l'une sur l'aultre, que ne couste de sousfizante diligence estre demandées, requises, et moyenant ladite somme sive [ou] léguat les a faicts ses hérétiers particulliers, et que autre chose ne puissent demander, avoir, ni conséguir [obtenir] pour aucung droict que se soict, mais de touts et chascungs ses autres biens, droicts et actions, les a jetés, despoulhés.
ITEM, a légué, testé, ordonné ledit testateur pour ledit droit de nature, légétime portion, institution hérédictaire, quarte trébélianique, que par autre droit que se soict, à Estienne GOUSTI, son fraire, la somme de 33 Livres tournois, et ce contepour la dot et verquière de leur feu paire que sont 8 Livres tournois, payables le jour que ledit Estienne, son frère, viendra solempniser son mariage en saincte maire esglise la somme de 5 Livres tournois, et touts les ans après le jour de caramantran [carême entrant] une Livre tournoi, et touts les ans continuant, finies, entières solvencions et paye de ladite somme de 33 Livres tournois, et que lesdites solvencions et payes ne se pourront accomoler l'unesur l'aultre, que ne couste de sousfizante diligence estre demandé, requise, et moyenant ladite somme sive [ou] léguat l'a faict son hérétier particullier, et que autre chose ne puisse avoir, demander, ni conséguir [obtenir] pour aucung droict que se soict, mais de touts et chascungs ses autres biens, l'a dévestu, despoulhé, jecté.
ITEM, PLUS, a légué, testé, ordonné ledit testateur pour ledit droit de nature, légétime portion, institution hérédictaire, quarte trébélianique, que par autre droit que se soict, à Alayssete GOUSTINE, sa s(o)eur, oultre le doaire à elle constitué le jour de ses nubtiès la somme de 2 sols 6 deniers tournois, payables après le décès dudit testateur, et moyenant ladite somme sive [ou] léguat l'a faicte sa hérétière particullière, et que autre chose ne puisse avoir, agir, ni conséguir [obtenir], mais de touts et chascungs ses biens, droicts et actions l'a jectée, despoilhée.
ITEM, PLUS, a légué, testé, ordonné ledit testateur pour ledit droit de nature, légétime portion, institution hérédictaire, quarte trébélianique, que par autre droit que se soict, à touts ses nepveux, niepces et parens demandens droict en ses biensla somme de 3 souls tournois tournois, et a voleu ledit testatuer que après son décès soient payés contans et satisfaicts par une foys, et que entre eulx les despartent et divisent ensemble, et moyenant ladite somme sive [ou] léguat les a faictsses hérétiers particulliers et hérétières particullières, et que autre chose ne puissent avoir, demander, ni conséguir [obtenir] pour aucung droict que se soict, mais de touts et chascungs ses autres biens, droicts et actions les a jectées, despoulhés.
EN TOUTS et chascuns ses autres ses biens, droicts et actions, meubles, immeubles, présents et advenir, où(t) que soient ne où(t) que non apartenir, parvenir et temps devenir expectans pour quelque droict que se soict, ledit Guillem GOUSTItestateura faict, créé, estably, ordonné, et de sa propre bouche nommé, appellé ses héritiers universels et généraulx satge femme donne Angline VIDALLE, sa molher [femme] et François GOUSTI, son fils légitime et naturel, par (es)guals parts et portions à ladite Angline, sa molher, sa vie durand tant seullement, vivant viduellement et honestement et non autrement, .
Et au cas que se retrouve mariée luy confirme, émologue, ratisfie la donation faicte en son mariage, et que susdite hérédité desdits biens veult que retourne audit François, son fils, et son hérétier universel à ses voluntés en faire, et au cas queledit François son hérétier universel vince à décéder sans hoirs de son légétime mariage procréés, a substitué et substitue ses autres enfans de l'ung à l'aultre de gré an gré de sesdits enfans quand mour(r)ont audit cas.
Exéquteurs du présent et dernier testement et dernière volunté a faict ledit testateur satges personnes Guillem BONAILH, Estève CASTAING habitans d'Aniane, ses bons amys, et ung chacung leur donnant toute puissance de accomplir ou fère accomplir ses léguats en choses pies et charitables prinses, et prendre de ses biens et déléguations et resfus de sesdits hérectiers ou hérétier universels.
A voleu et veult ledit testateur que le présent et public instrument de testement soict son dernier instrument nuncupatif et sa dernière volunté nuncupative, et si ne vault, ne peut valoir par droict de testement, a voleu et veult que va(i)lhe par droict de codicille ou codicilles, et si ne vault, ne peult valoir par droict de codicille a voleu et veult que vailhe par droict de dernière volunté que mieulx de droict se pourra valloir, tenir, soffir et soubstenir, cassant, révocant et annullant touts autres instruments de testement, codicilles, donnations faictes en cas de mort.
Et le présent demeurant en sa efficasse et verteu, requérant touts les tesmoings soubs scripts par ledit testateur bien cogneus, appellés de leurs noms et surnoms luy porter tesmoinaige, lieu et temps en seront requis, et à moy acte, instrument detestement luy estre rectenu et expédié à quy appartiendra.
Faict et publiquement récité dans la ville d'Anyane et maison dudict testateur, estant dans son lict égrotan(t) [malade], en présence de Bernard VILLARET vieulx, Pierre OLYE, Estienne CASTAING, Jehan ESTIVAL vieulx, Jehan FAYET, Jehan REDERTAS (?), Guyme PETIT dudit Aniane habitans à ce appellés, et de moy Pierre ASSAZAT, notaire froyal de la ville d'Aniane habitans ...
Note enfant légitime
|
